अध्यात्म, दर्शन र विज्ञान मानव जीवन र त्योभन्दा पनि पर (सृष्टि, ब्रह्माण्ड आदि) को अर्थात् सम्पूर्ण संसारको अभिन्न हिस्सा हुन् भने जीवित प्राणी र मानव जीवनको अपरिहार्य अंश हुन्। अहिले हामी वैज्ञानिक युगमा छौं र तथ्यमा आधारित जानकारी र सूचनामा मात्र विश्वास गर्छौं र गर्नुपर्ने हुन्छ।
अझ अहिलेको जस्तो पाठ्य, श्रव्य र दृश्य सामग्रीहरूको उपलब्धता अत्यधिक भएको अवस्थामा सबै तथ्यहरूलाई त्रिकोणीकरण गर्नु र विभिन्न स्रोत र दृष्टिकोणबाट प्रमाणित गर्नु पनि उत्तिकै जरुरी छ। त्यसैले यो लेखमा अध्यात्म, दर्शन र विज्ञानमा महिला र पुरुष अर्थात् लिङ्ग (जसमा सबै लिङ्ग पर्दछन्) लाई कसरी हेरिन्छ भनेर संक्षेपमा चर्चा गर्न खोजिएको छ।
