काठमाडौं । नवाजुद्दिन सिद्दिकी बलिउडका उम्दा र मेहनती कलाकार हुन् । उनी जब स्क्रिनमा आउँछन्, छोटो भूमिकामा पनि आफ्नो दमदार उपस्थिति जनाउँछन् ।
हाल उनी आगामी फिल्म ‘रौतू का राज’ लाई लिएर चर्चामा छन् । फिल्ममा उनले एक अनुसन्धान अधिकृतको भूमिका निर्वाह गरेका छन् । एक पडकास्ट अन्तर्वार्तामा उनले फिल्म र निजी जीवनका विषयमा केही कुरा गरेका छन् । उनले आफूमा एक समय धुम्रपानको नशाको लत रहेको सुनाएका छन् । तर पछि उनले छाडिदिए ।
नवाजुद्दिनले भने, ‘केही वर्षअघि म यस्तो व्यक्तिहरुको बीचमा थिएँ, उनीहरुका साथ स्मोकिङको लत लाग्यो । बडो मजा लाग्थ्यो । म यसको प्रमोट गर्न चाहन्नँ तर बहुत मजा आउँथ्यो । धुम्रपान गर्दैगर्दा संसारकै सबैभन्दा ठूलो एक्टर बनेको महसुस हुन्थ्यो ।’
